قصة اغواء الشيطان لي وخيانتي لزوجي

هذة قصة فتاة أغواة الشيطان وها هية تحكى قصتها فأبقوا معنا نحنا دائماً نقدم كل ما هو مفيد ( أسرة المنتدى)

متندى فارس الرومـــــانسية

أنا ولله الحمد متزوجه ودحين انا في السنه الخامسه من الزواج اللي اثمر عنه ولد وبنت زي القمر
ومشكلتي صارت قبل مااحمل في البنت يعني قبل سنه تقريبا
قبل المشكله كنا انا وزوجي في احسن حال صح في مشاكل وهموم بس حبنا لبعض كان اكبر
ومرت فترة كانت من اخس فترات حياتي اللي اتمنى لو اني امحيها او ابترها من حياتي لانها للان ماثره فيا مع اني تبت لله توبه نصوح
المهم في الفتره دي كان زوجي مهملني كان يصحي ويروح العمل ويجي لاكلام ولا سلام
بس كان يخرج برا البيت ولما يجي ولاكانو موجود
كنت البسلو واقابلو بابهى حله ولا كاني حركت فيه ساكن
هادا كلو مو مهم عندي
المهم اني كنت اشك فيه وفي تصرفاته اشك ان له علاقه مع ان والحمدلله مالو في الطريق دا
بس الشيطان دخل الشك في راسي وكنت ماانام الليل من كتر التفكير
كانت نفسيتي زفت وكنت اتسآئل ليش كده ييسوي معايا مع ان احبو ومخلصه ليه وماليه في الطريق دا
وبرضو ولله الحمد مو ناقصني شي من جمال او اخلاق
واللي صار كنت ابغى اشوف ايش النقص اللي فيا ليش هو يسوي كده ليش
وفي ديك الفتره كنت ادخل شات كتير ومن خلال الشات لفت نظري كلام شاب وعجبني حسيت ان نفس طريقه كلام زوجي ونفس اللهجه وحسيت اني استطلطفتو ودخلت معاه عالخاص وما قولتلو اني متزوجه
بس هو كان شاك فيا اني شاب مو بنت
حبيت اني اطمنو واعطيتو رقم جوالي وقولتلو دا جوال اخويا انا بس اخليك تسمع صوتي
واتصل وسمع صوتي واتاكد
وبس واتوالت المكالمات وايش بعد المكالمات قال انو يبغى يشوفني وانا من هبالتي وكان الشيطان معميني
ارسلتلو الصوره عبر الوسائط الا رد عليا وقلي ان مو مصدق انو انا وطلب مني صوره تانيه وارسلت تاني
فين كان عقلي ساعتها
المهم صرت اكلمو واعترفتلو اني متزوجه الا طلب يقابلني بس 5 دقايق ووافقت
وجا يوم وكان زوجي وقتها في العمل وشافني من عند الباب ومشي
ويومتها ضميري مرره انبني ايش اللي سويتو ايش ذنب زوجي وايش ذنب ولدي
وكلمتو وقولتلو خلاص نقطع العلاقه ووافق
بس وبعدين رجع وقلي انو حبني وارسلي رسايل انو ما ينساني ولا يستغنى عني
ورجعت كلمتو
وطلب مني مرره تانيه اقابلو ومررره كان زوجي برا وقال يبغى يشوفني ويومتها كنت على وشك الوقوع في اكبر غلط بس عاش هو في الجو وارتاح وانا والله مامسني

وبعدها برضو رجعلي تانيب الضمير وقررت اني خلاص ابطل الطريق دا لاني كنت محتقره نفسي لابعد حد
ومرره شفتة عالماسن واتكلمنا وسبني سبيتو ووصل الكلام انو راح يفضحني بالصور اللي عندو ويرسلها لزوجي
وانا خفت مرره بس اتشجعت وقولتلو اني مااخاف الا من رب العالمين
وحذفت من الماسن ومسحت رقمو من عندي مع اني كنت حافظتو
وكنت بعدها ادعو ربي دائما اني يغفرلي ذنبي
مني خايفه لامن صور ولا من فضيحه
كان همي الاكبر خوفي من الله وان يسامحني وكنت متاكده ان ربنا غفور رحيم
الحمدلله بعدها حملت ومرررت شهور الحمل وانا اتامل وادعو ربنا يسامحني
الى ان حانت ساعة الولاده اللي ربنا يغفر بعدها كل الذنوب
وولدت الحمدلله وقمت بالسلامه وانا حاسه ان ربنا غفر لي فهو رؤؤف رحيم

بس للان انا نفسي ارجع للماضي وامحي دي الفتره المشؤؤمه
والمعذره على الاطاله